ဝါသနာ........

ဝါသနာ........

ဝါသနာကိုက တားလို့ကိုမရတာ...

ကိုနဲ့ မအပ်စပ်တာကို လုပ်ရမယ်ဆိုရင် အရိုးကြေကြေအရေခမ်းခမ်းဘဲ။ ညညဆို အိပ်ဖြစ်တယ်ကို မရှိဘူး။ ကျွန်တော် အလုပ်က အင်ဂျင်နီယာပါ။ ဒါပေမယ့် ကွန်ပြူတာ ကလိရတာကို ဘယ်လို ၀ါသနာပါမှန်းကို မသိဘူး။ မြန်မာ နိုင်ငံမှာ တုန်းက ၁၀ တန်းအောင်တော့ အဖေကပြောတယ် သင်တန်းလေးဘာလေး တက်ပေါ့တဲ့။ အဲဒါနဲ့ စပြီးတက်ဖြစ်တာက ကွန်ပြူတာသင်တန်း။ သင်တန်းက မြန်မာနိုင်ငံမှာ ပေါ်ကာစ ဆိုတော့ သင်တန်းတွေက မွနေတာဘဲပေါ့။ သင်တန်းတော့ ပြီးသွားပါရဲ့.. ဘာမှကို မသိလိုက်ဘူး...ဟိဟိ။

ဘာမှသာ မသိတာနော် သင်တန်းပြီးတာနဲ့ အဖေကို ပူစာတော့တာဘဲ။ ကွန်ပြူတာ ၀ယ်ပေး ၀ယ်ပေးလို့။ ဒါနဲ့ အဖေက ၁၆ လမ်ထဲက (ဆိုင်နာမည်တော့ မမှတ်မိတော့ဘူး) ကွန်ပြူတာဆိုင်မှာ သွားဝယ်ပေးတယ်..။ ဘယ်လောက်ထိတော်လည်းဆိုရင် cmos လည်းမသိ os လည်းမသိ software ဆိုတာ ဘာကြီးမှန်း မသိတဲ့အချိန်မှာ အဖေ၀ယ်လာမယ့် ကွန်ပြူတာကို ၀က်အူလှည့် တစ်ခုနဲ့ အိမ်မှာကို ထိုင်စောင့်နေတာ။

အဖေကတော့ ၀ယ်လာပါဘီ၊ သားလုပ်တဲ့ ကျွန်တော်ကလည်း ကွန်ပြူတာကို စသုံးပါဘီ။ instruction အတိုင်းစဉ်လိုက်တယ် ပြီးတော့ power button ကိုနှိပ်လိုက်တယ် ဘာမှကိုပေါ်မလာဘူး။ အဲ ဒုက္ခဘဲ ဘယ်ရမလဲ အဖေရှေ့မှာလေ ဟန်နဲ့ပန်နဲ့ပေါ့ windows စတက်လို့ မီးလေးလင်းလာတာနဲ့ delete ကို တန်းနှိပ်တော့ တာဘဲ (အဖေ ကတော့ ဘာမှကိုသိဘူး)။ monitor က ဘာမှ မပေါ်လာဘူး။ လက်ကတော့ နှိပ်နေတုန်းဘဲ.........

နောက်ဆုံးတော့လည်း ပထမဆုံး ၀ယ်တဲ့ ကွန်ပြူတာကို တစ်နာရီပြည့်အောင် အိမ်မှာမထားဘဲ ဆိုင်ပြန်ပို့လိုက် ရတယ်။ နောက်မှ သိတာက monitor မှာလည်း အရုပ်လေးတွေပေါ်အောင် monitor power button ဆိုတာကို ဖွင့်ရတယ်တဲ့...ဟီး။ monitor မဖွင့်တော့ ဘယ်ပေါ်မလည်းပေါ့နော်...

(ပြီးအောင်ဖတ်ပေးတာ ကျေးဇူးတင်ပါတယ်။)